ತೋಟಗಾರಿಕೆ ಇಲಾಖೆ

ಪರಿಚಯ

ಜಿಲ್ಲೆಯಲ್ಲಿ ತೋಟಗಾರಿಕೆ ಬೆಳೆಗಳು 121281.00 ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆಯಲಾಗುತ್ತಿದ್ದು, ಒಟ್ಟು ಸಾಗುವಳಿ ಪ್ರದೇಶದ ಶೇ.43.03 ರಷ್ಟಿದೆ. ಮಲೆನಾಡು ಪ್ರದೇಶದಲ್ಲಿ ತೋಟದ ಬೆಳೆ ಮತ್ತು ಸಾಂಬಾರು ಬೆಳೆ ಹೆಚ್ಚಾಗಿದ್ದು, ಅರೆ ಮಲೆನಾಡಿನಲ್ಲಿ ಈ ಬೆಳೆಗಳ  ಜೊತೆಗೆ ಹಣ್ಣು, ತರಕಾರಿ ಬೆಳೆಗಳನ್ನು ಬೆಳೆಲಾಗುತ್ತಿದೆ. ಈ ಹಿಂದೆ ಅಡಿಕೆ ಸಾಂಪ್ರದಾಯಿಕ ಬೆಳೆಯಾಗಿ ಮಲೆನಾಡಿಗೆ ಸೀಮಿತವಾಗಿತ್ತು. ಈಗಿನ ವಿವಿಧ ತರಹದ ಬೇಡಿಕೆಗಳಿಂದಾಗಿ ಅರೆಮಲೆನಾಡಿಗೂ ವಿಸ್ತರಿಸಿದೆ. ಅಡಿಕೆ (92,181 ಹೆ) ಜೊತೆ ಇಲ್ಲಿನ ವಾತಾವರಣ ಸೂಕ್ತವಾಗಿದ್ದರಿಂದ ತೆಂಗು (6,040ಹೆ) ಕೋಕೋ ಮುಂತಾದ ತೋಟಗಾರಿಕೆ ಬೆಳೆಗಳನ್ನು ಬೆಳೆಯಲಾಗುತ್ತಿದೆ.

ಶುಂಠಿ (3,828 ಹೆ), ಕಾಳುಮೆಣಸು (4,131ಹೆ), ಏಲಕ್ಕಿ (110 ಹೆ), ಮರಸಾಂಬಾರು ದಾಲ್ಚಿನ್ನಿ, ಜಾಯಿಕಾಯಿ ಮತ್ತು ಜಾಪತ್ರೆ ಸಾಂಬಾರು ಬೆಳೆಗಳು ಜನಪ್ರಿಯವಾಗಿವೆ. ಬಾಳೆ (6,321ಹೆ), ಮಾವು (3,618 ಹೆ), ಅನಾನಸ್ (1,475 ಹೆ), ಮುಂತಾದ ಹಣ್ಣುಗಳ ಕೃಷಿ ಮಾಡಲಾಗುತ್ತಿದೆ. ಅರೆ ಮಲೆನಾಡಿನಲ್ಲಿ ಮೆಣಸಿನಕಾಯಿ ಪ್ರಮುಖ ತರಕಾರಿ ಬೆಳೆ, ಬೀನ್ಸ್, ಬದನೆ, ಟಮೋಟೋ, ಎಲೆಕೋಸು ಮತ್ತು ಸೊಪ್ಪಿನ ತರಕಾರಿಗಳು ಕಡಿಮೆ ಪ್ರದೇಶದಲ್ಲಿ ಬೆಳೆಯಲಾಗುತ್ತಿದೆ. ಔಷಧಿ ಮತ್ತು ಸುಗಂಧ ದ್ರವ್ಯ ಬೆಳೆಗಳು ವೆನಿಲ್ಲ, ಪಚೋಲಿ, ಹಿಪ್ಪಲಿ ಬೆಳೆಗಳು ಜನಪ್ರಿಯವಾಗಿವೆ. ಗುಲಾಬಿ, ಮಲ್ಲಿಗೆ, ಸೇವಂತಿಗೆ, ಕನಕಾಂಬರ ಮತ್ತು ಸುಗಂಧರಾಜ ಹೂಗಳನ್ನು ಸಹ ಬೆಳೆಯಲಾಗುತ್ತಿದೆ. ಹಸಿರು ಮತ್ತು ಪಾಲಿಹೌಸ್ ಗಳಲ್ಲಿ ಆಂಥೋರಿಯಂ ಮತ್ತು ಜರ್ಬೆರಾ ಕೃಷಿ ಇತ್ತೀಚಿನ ದಿನಗಳಲ್ಲಿ ಜನಪ್ರಿಯವಾಗುತ್ತಿದೆ.

ಶಿವಮೊಗ್ಗ ಜಿಲ್ಲೆಯಲ್ಲಿ ತೋಟಗಾರಿಕೆ ಬೆಳೆಗಳ ಅಭಿವೃದ್ಧಿಗೆ ತೋಟಗಾರಿಕೆ ಇಲಾಖೆ ತನ್ನದೇ ಆದ ಪಾತ್ರ ವಹಿಸುತ್ತಾ, ಬಂದಿದೆ.  ರೈತರಿಗೆ ತೋಟಗಾರಿಕೆ ಬೆಳೆಗಳ ಬಗ್ಗೆ ತಾಂತ್ರಿಕ ಮಾಹಿತಿ ನೀಡುವ ಪ್ರಯತ್ನದಲ್ಲಿ ತೊಡಗಿದೆ. ಜಿಲ್ಲಾ ಪಂಚಾಯತ್ ವ್ಯಾಪ್ತಿಯಲ್ಲಿ 51.53 ಎಕರೆ ಪ್ರದೇಶದ ನಾಲ್ಕು ತೋಟಗಾರಿಕೆ ಕ್ಷೇತ್ರಗಳಲ್ಲಿ ವಿವಿಧ ಹಣ್ಣಿನ ಗಿಡಗಳನ್ನು ಅಭಿವೃದ್ಧಿಪಡಿಸಿದೆ. ಉತ್ತಮ ಗುಣಮಟ್ಟದ ಕಸಿ/ಸಸಿ ಗಿಡಗಳ ಸಸ್ಯಾಭಿವೃದ್ಧಿ ಮಾಡಲಾಗುತ್ತಿದೆ. ರಾಜ್ಯವಲಯ ವ್ಯಾಪ್ತಿಯಲ್ಲಿ 326.15 ಎಕರೆ ಪ್ರದೇಶದ ಎಂಟು ತೋಟಗಾರಿಕೆ ಕ್ಷೇತ್ರಗಳಲ್ಲಿ ವಿವಿಧ ಹಣ್ಣಿನ ಗಿಡಗಳನ್ನು ಅಭಿವೃದ್ದಿಪಡಿಸಲಾಗುತ್ತಿದೆ. ಮಾವು, ಸಪೋಟ, ತೆಂಗು ಮತ್ತು ಅಡಿಕೆ ಬೆಳೆಗಳನ್ನು ಅಧಿಕ ಪ್ರದೇಶದಲ್ಲಿ ಬೆಳೆಯಲಾಗುತ್ತಿದೆ. ತಾಳೆ, ಗೋಡಂಬಿ, ಹುಣಸೆ, ಕೋಕೋ, ನೆಲ್ಲಿ, ಚೆರ್ರಿ ಮತ್ತು ಕಮರಕ್ ಕಡಿಮೆ ಪ್ರದೇಶದಲ್ಲಿ ಬೆಳೆಯಲಾಗಿದೆ. ತೋಟಗಾರಿಕೆ ಕ್ಷೇತ್ರದಲ್ಲಿ ಉತ್ತುಮ ಗುಣಮಟ್ಟದ ಕಸಿ/ಸಸಿ ಗಿಡಗಳ ಸಸ್ಯಾಭಿವೃದ್ಧಿಪಡಿಸಲಾಗುತ್ತಿದ್ದು, ಕ್ಷೇತ್ರದಿಂದ ನೇರವಾಗಿ ರೈತರಿಗೆ ವಿತರಿಸುತ್ತಿದೆ. ಮೂಲಭೂತ ಸೌಕರ್ಯಗಳಾದ ಪಾಲಿಮನೆ, ಶೇಡ್ ನೆಟ್ ಮತ್ತು ನೀರಿನ ಸೌಕರ್ಯ ಹೊಂದಿದ ಕ್ಷೇತ್ರಗಳಲ್ಲಿ ಉತ್ಕೃಷ್ಟ ಹಾಗೂ ಉತ್ತಮ ಗುಣಮಟ್ಟದ ಕಸಿ/ಸಸಿಗಳನ್ನು ಉತ್ಪಾದಿಸಲಾಗುತ್ತಿದೆ. ಎಲೆ ವಿಶ್ಲೇಷಣೇ ಪ್ರಯೋಗಾಲಯದಲ್ಲಿ ಕೆಲವು ತೋಟಗಾರಿಕೆ ಬೆಳೆಗಳ ಎಲೆಳನ್ನು ಹಾಗೂ ವಿವಿಧ ನಮೂನೆಯ ಹಣ್ಣಿನ ಮಾದರಿಗಳನ್ನು ವಿಶ್ಲೇಷಿಸಿ, ರೈತರಿಗೆ ಮಾಹಿತಿ ನೀಡಲಾಗುತ್ತಿದೆ. ಅಂಗಾಂಶ ಕೃಷಿ ಗಿಡಗಳ ಹಾರ್ಡನಿಂಗ್ ಘಟಕದಲ್ಲಿ ಅಂಗಾಂಶ ಕೃಷಿ ಬಾಳೆ ಗಿಡಗಳನ್ನು ಹದಗೊಳಿಸಿ ಮಾರಾಟ ಮಾಡುವಲ್ಲಿ ಯಶಸ್ವಿಯಾಗಿದೆ.

2019-20ನೇ ಸಾಲಿನಲ್ಲಿ ಇಲಾಖೆಯು ಜಿಲ್ಲಾ ಪಂಚಾಯತ್ ಯೋಜನೆಗಳಡಿಯಲ್ಲಿ ಹನಿ ನೀರಾವರಿಗೆ, ತಾಳೆ ಗಿಡಗಳ ಬೇಸಾಯಕ್ಕೆ ಹಾಗೂ ಸಸ್ಯ ಸಂರಕ್ಷಣೆ ಔಷಧಿಗಳಿಗೆ ರೈತರಿಗೆ ನೇರವಾಗಿ ಸಹಾಯಧನವನ್ನು ನೀಡಲಾಗುತ್ತಿದೆ. ಹಣ್ಣಿನ ಬೆಳೆಗಳಾದ ಮಾವು, ಸಪೋಟ, ಬಾಳೆ, ಅನಾನಸ್ ಹೂವಿನ ಗಿಡಗಳಾದ ಗುಲಾಬಿ, ಸುಗಂಧರಾಜ, ಸಾಂಬಾರು ಬೆಳೆಗಳಾದ ಕಾಳುಮೆಣಸು, ಶುಂಠಿ, ದಾಲ್ಚಿನ್ನಿ ಮತ್ತು ಲವಂಗ ಗಿಡಗಳನ್ನು ಬೆಳೆದ ರೈತರಿಗೆ ರಾಷ್ಟ್ರೀಯ ತೋಟಗಾರಿಕೆ ಮಿಷನ್ ಯೋಜನೆಯಡಿ ಸಹಾಯಧನವನ್ನು ವಿತರಿಸಲಾಗುತ್ತಿದೆ. ತೋಟಗಾರಿಕೆಗೆ ಉಪಯೋಗವಾಗುವ ಯಂತ್ರ/ ಉಪಕರಣಗಳ ಖರೀದಿಗೆ ವಿವಿಧ ಯೋಜನೆಗಳಡಿ ಸಹಾಯಧನವನ್ನು ನೀಡಲಾಗುತ್ತಿದೆ.

2019-20ನೇ ಸಾಲಿನ ಪ್ರಗತಿ ವಿವರ ಜನವರಿ 2020 ಮಾಹೆಯ ಅಂತ್ಯಕ್ಕೆ(ರೂ. ಲಕ್ಷಗಳಲ್ಲಿ)